Sign In

Login

Forgot your password?

Create Account

Register

  • إيجى كار يدعم الأن كل الدول العربية!
0

أسباب اصابة الفرامل بالأعطال وطرق علاجها

أسباب اصابة الفرامل بالأعطال وطرق علاجها

ان معظم حوادث السيارات على الطريق ترجع الى حدوث اعطال مفاجئة فى فرامل السيارات وعدم تحكم قائدى السيارات فى اعصابهم عندما يفاجئوا بفشل الفرامل فى ايقاف السيارة فى الوقت المناسب , وهنا نتسائل كيف يتم التحكم فى السيارة عند  اكتشاف عطل ما بالفرامل فجأة ؟ وهل تختلف الفرامل من سيارة الى اخرى ؟ وكيف يتم صيانة فرامل السيارة واصلاح الاعطال المفاجئة فيها ؟يقول مهندس صيانة السيارت ان الفرامل من اهم الاجزاء بالسيارة لانها اساس عوامل الامان على الطريق , لذا ينصح كل قائد سيارة قبل التحرك بالسيارة التأكد من كفاءة وسلامة الفرامل وذلك بالكشف على :

اولا : الكشف اليومى على خزان زيت الباكم (زيت الفرامل) وتزيده حتى لا يدخل الهواء داخل دورة الزيت فيؤثر على الفرامل وكفائتها.

ثانيا : التاكد من عدم تاَكل تيل الفرامل او التاكد من عدم وجود شروخ وتشققات.

ثالثا : الفحص الدورى لخراطيم الفرامل فى مراكز الخدمة والصيانة والكشف على المساند الخاصة بالعمل والماستر العمومى حيث يتسبب انسداد الخراطيم فى عدم وصول زيت الباكم الى ماستر العجل فيمنعه من القيام بعمله والوقوف عند اللزوم بالاضافة الى ميل السيارة وانحرافها الى احد الاتجاهات يمينا ويسارا حسب انسداد الخرطوم عند الضغط على دواسة الفرامل .

رابعا : التأكد من عدم تسرب الزيت من اى جزء فى دورة الفرامل.

خامسا : ضرورة الفحص الدورى على طنابير السيارة والتاكد من ان حالتها جيدة وان تكون جميعها فى حجم واحد وسطحها املس وليس به خدوش حتى لايساعد على تاَكل التيل بسرعة.

ويضيف مهندس الصيانة ان هناك نوعان من انظمة الفرامل او الاحتكاك :

النوع الاول : الفرامل القرصية (ديسك) حيث يتم الاحتكاك بين قرص دواريتم تركيبه على محور العمل وسطج خشن (تيل الفرامل)

النواع الثانى : الفرامل الاسطوانية (طنابير)حيث يتم الاحتكاك بين السطح الداخلى للاسطوانة (الطنبورة)وسطح خشن (قباقيب)

وانه فى حالة فرملة السيارة يتم ضغط اسطح الاحتكاك الى سطح الديسك او الاسطوانة بقوة كبيرة لتعظيم قوة الاحتكاك ويكون مصدر القوة هى القوة التى يضغط بها السائق على دواسة الفرامل ويتم نقل القوة الى اسطح الاحتكاك عن طريق نظام ميكانيكى او نظام هيدروليكى حيث يستحدم سائل وسيط ( زيت الفرامل وجموعة انابيب ومكابس لنقل القوة ) وفى النظام الهيدروليكى يقوم الماستر باتمام عملية نقل القوة للعجلات المختلفة ةتحتاج عملية فرملة السيارة الى قوة تضاغط بين اسطح الاحتكاك اكبر بكثير من القوة التى يضغط بها السائق على دواسة الفراملوتستخدم الروافع فى النظام الميكانيكى فيتم التكبير , اما النظام الهيدروليكى فيتم التكبير عن طريق التحكم فى اقطار المكابس.

اما بخصوص فرامل اليد فهناك ثلاث خطوات للتأكد من سلامتها :

اولا : الكشف على تيل الفرامل الخلفى كل 10000 كيلومتر ويتم تغييره اذا تاَكل.

ثانيا: عند رفع عصا فرملة اليد لابد من ان ترفع بمقدار يتراوح ما بين 5 الى 7 تكات فاذا قلت او زادت عن هذا المقدار لزم ضبطها بواسطة تحريك مسمار الريجلاش الموجود بين عصا فرملة اليد وسلك الفرامل

ثالثا : عند السهو والسير بالسيارة وعصا فرامل اليد مرفوعة لابد من الكشف عليها والتاكد من صلاحيتها وتغيير التالف منها.

وبخصوص الاعطال التى تصيب الفرامل فهى :

عدم انتظام اداء الفرامل بسبب تسرب زيت الفرامل, او عدم ثبات قرص الفرامل ويمكن اصلاحها بعمل بطائن بجميع الفرامل واعادة ربط القرص بطريق سليمة .

التصاق الفرامل وعدم قيامها بعملها بسبب بروز المسامير والبرشام المستخدم فى تركيب بطائن الفرامل وعدم شطف نهايات الفرامل بعد اعادة التبطين وهنا لابد من استبدال اليايات او اعادة تبطين الفرامل بطريق سليمة.

ضعف اداء الفرامل بسبب تاَكل البطائن وعلاجها استبدال البطائن.

ملامسة الدواسة للارض بالرغم من ضبطها بسبب وجود عطل باسطوانة الفرامل الرئيسية وعلاجها هو تنظيف الصمام او استبداله.

عدم وقوف السيارة الا بعد الضغط الشديد على الدواسة عدة مرات وذلك بسبب وجود هواء بدائرة الفرامل وانسداد الصمام او تلفه وعلاجها يكون باستزاف الدورة او استبدال الياي او تنظيف الصمام.

سخونة الفرامل اثناء السير بالسيارة بسبب ضغط يايات الارجاع او عدم كفاية الخلوص بين دواسة الفرامل واسطوانة الفرامل الرئيسية وهنا لابد من تغيير اليايات او اعادة ضبط الدواسة.

صدور صوت عالى مزعج من الفرامل بسبب وجود قاذورات بالفرامل او عدم ثبوت مسامير البطائن.

اشتعال الفرامل ذاتيا وذلك يكون بسبب اختلاط سائل الفرامل بسائل اخر وهنا يتم استبدال الاجزاء المطاطية وتنظيفها بالكحول وملؤها بسائل الفرامل من جديد .

انعدام المقاموة بدواسة الفرامل وذلك يكون نتسجة لوجود هواء فى دواسة الفرامل وعلاجها يكون بخلخلة الهواء


About the Author

88 Comments

  1. Date: 25 يناير، 2015 at 18:08
    Author: محمود

    انا معايا لادا 2017 موديل 91
    فيها مشكلة فى الفرامل
    العجلتين اللى ورا بيقفشوا وبيسخنوا جامد جدا
    وطبعا دخان ورايش
    وعلى فكرة البدال بتاع العربية ولا بينشف ولا حاجة
    ارجوا الافاده

    Reply

    • Date: 10 فبراير، 2015 at 12:01
      Author: Khaled Adel

      الافضل الكشف على الطنابير والتيل لان واضح ان فى احتكاك شديد….. واعتذر عن التاخر فى الرد
      تحياتى

      Reply

  2. Date: 12 أبريل، 2015 at 01:23
    Author: Tarek Salem

    عندى سيارة اوبل فيكترا موديل 98 قمت بتغير الطنابير و تيل الفرامل منذ اقل من شهر اﻻ ان صوت الصفير عاد مرة اخرى و امس كشفت على الطنابير اﻻمامية فوجدتها بدأت فى التأكل. فما نصيحتكم و شكرا

    Reply

    • Date: 16 أبريل، 2015 at 19:32
      Author: Khaled Adel

      اهلا بيك استاذ طارق فى ايجى كار
      بالنسبه لمشكلتك

      فهتلاقى إما خرطوم زيت العجلات الاماميه به ملوثات أو ماستر االعجلات الاماميه قافش لبره على طول مابيردش يعنى وبهذا الشكل بيستمر تيل الفرامل ملمس للطنبوره ومن هنا بيتآكل التيل وتتلف الطنبوره .
      اكشف عنذ شخص متخصص فى الفرامل لاصلاح هذا العيب عندك… وابقى طمنا عليك
      🙂

      Reply

  3. Date: 7 أغسطس، 2015 at 17:56
    Author: muhammad elbosily

    السلام عليكم .. انا في حيرة من الفرامل حيث انها وفجأة وجدتها تنزل تحت رجلي وتضعف بشكل ملحوظ ومع ( المكاركة ) تظبط وممكن امشي بها شهر او اكتر بكفاءة عالية بسش مع احتمال حدوث العطل ده تاني . مع العلم اني شميت رائحة الزيت الباكم وكأنه يحترق ووجود العجلة الخلفية يمين ساخنة بشكل واضح .
    الصنايعي قال ده ماستر عمومي وانا حاسس ان كلامه مش مؤكد لانه لم يكشف عمليا ولم يقترح حتى اخذ الهوا..
    افيدوما ما رأيكم في العطل وماذا افعل.

    Reply

    • Date: 15 أغسطس، 2015 at 00:59
      Author: Khaled Adel

      وعليكم السلام ورحمة الله وبركاته… من الواضح من كلامك ان يوجد تسريب للزيت مم يؤدى الى دخول الهواء الى دائرة الفرامل وهذا ما يضعف اداء الفرامل معك بسبب ان الهواء قابل للانضغاط …. يجب فحص الفرامل عند مختص للوقوف على العطل .. ولا تتجاهله … بالتوفيق

      Reply

  4. Date: 1 ديسمبر، 2015 at 17:09
    Author: moataz

    معايا اوبل كورسا 94
    المشكله اللى عندى ان الفرامل ساعات بتحجر وساعات تانية يتبقى مش موجودة وساعات انية بتبقى كويسة
    ومستوى الزيت تمام رحت للميكانيكى قاللى محتاج تغير ماستر بس انا مش مقتنع ارجوكم افيدونى

    Reply

    • Date: 2 ديسمبر، 2015 at 20:33
      Author: Khaled Adel

      جرب تنضف خطوط الزيت للفرامل وتأكد من تفريغها من الهواء , اذا استمرت هذه الاعراض تبقى المشكلة فى الماستر فعلا.
      اكشف عند ميكانيكى تانى للتأكد قبل تغيير الماستر
      بالتوفيق

      Reply

  5. Date: 10 ديسمبر، 2015 at 19:00
    Author: ashraf montaser

    انا عملت حادث بعربيتي وغيرت مساعد ايمن ومقص ايمن وبطاحة يمنى امامي
    في الحادث العجلة الامامية اليمنى انفصلت تماما عن السيارة
    المهم الان وبعد صيانة السيارة وتغيير اللازم
    اسمع صوت تزييق عند الضغط على الفرامل ببطء
    ممكن اعرف ماسبب هذا
    احد الزملاء افاد بضرورة تغيير طنبورة الفرامل او خرطها
    فهل خرط الطنبورة يغني عن تغيير ها
    وهل يجب خرط الطنبورتين مع بعض ولا اخرط اللي يصدر عنها الصوت
    تحياتي

    Reply

    • Date: 25 ديسمبر، 2015 at 03:22
      Author: Khaled Adel

      اولا حمدا لله على سلامتك, ثانيا اعراض تلف الطنابير وجود رعشة فى دواسة الفرامل عند الضغط عليها على سرعة عالية, لذا برجاء توضيح متى تسمع هذا الصوت لنتمكن من افادتك عن العيب الموجود

      Reply

  6. Date: 23 يناير، 2016 at 15:19
    Author: lamyaa Mohamed Abbas

    عربيتى شيفورليه افيو 2011 عملت صيانه عند 32500 وغيرت طقم سيور ومساعد ايمن وايسر اماميين وبطاحه وبوجيهات وبعد شهر ونصف فجاءه اثناء السير فقدت الفرامل وعملنا حادث ولقينا زيت الفرامل نزل على الارض واتضح بعد ذلك انه خرطوم الفرامل الأيمن به ثقب تم تبديل الخرطوم وسمكره السياره وبعد شهرين عند ركن العربه سمعت طقه ودواسه الفرامل هبطت وفقد الفرامل ووقع الزيت على الارض واتضح ان خرطوم الفرامل الشمال طق من تحت بعد مكان رابطه هل ممكن اعرف ايه الاسباب التى تؤدى لذلك مع العلم انى اول مستخدم لهذة السياره وحتى الان هى عاملهة 35095 كم وشكرا وايه الحل

    Reply

    • Date: 1 فبراير، 2016 at 12:03
      Author: Khaled Adel

      واضح ان عندك مشكلة فى الماستر …. الافضل الكشف عليها فى التوكيل

      Reply

      • Date: 22 يناير، 2017 at 23:26
        Author: طارق

        عربيتي مازدا 3 غيرت aps بعد فحص كمبيوتر وانطفئ لمبة ااعطال الحساسات لكن دواسة الفرامل ما تمسك الا بالضغط عدة مرات والمستر سليم وأخذت ألهوا بردو تمام مش عارف المشكلة منين ملحوظة لما فكين العجل الخلفي وجئت اركب الطنبورة لقيت التيل فتح اتطريت رجلاش عشان الطنبورة تركب افدوني افادكم الله

        Reply

  7. Date: 7 فبراير، 2016 at 23:33
    Author: lamyaa Mohamed Abbas

    كنت عامله صيانه فى مركز معتمد قبل الحادثه الاولى بشهر ونصف وقلت لهم شوفوا الفرامل وقالو لى كويسه وبعدها حصلت الحادثه الاولى وكشفوا عليها فى التوكيل نفسه بعد الحادثه وقالوا لى الفرامل مافيهاش حاجة وبعدها بشهر فرقع الخرطوم الشمال على مااعتقد دة عيب خراطيم مش مستحمله الضغط

    Reply

  8. Date: 27 فبراير، 2016 at 08:59
    Author: Eskooo

    عندى فيكترا 96 اوك كان مفاش أى مشكله إلا انى كنت شاكك فى الفرامل والتيل وسمعت بدايه صفارة بس بعد ما ركنت حبه ومشيت راح بعدها رحت مشوار وجرت شويه بعد حبه لمبة ال check نورت ولقيت صوت زى خبط وعلى الجنط هبة اسود وسخن شويه .هل ممكن يبقى تغير تيل مقلقش. ولا ايه .ياريت
    حد يفدنى واعمله فين.
    ياريت حد ينجدنى ويرد بسرعه

    Reply

    • Date: 27 فبراير، 2016 at 09:04
      Author: Khaled Adel

      اولا انت محتاج تشيك على التيل لان السخونة دى ممكن يكون سببها ان التيل لازق فى الطنابير وده مش صح طبعا وهو اللى هيخليها تصفر برضه

      Reply

  9. Date: 27 فبراير، 2016 at 09:43
    Author: Eskooo

    فى الآخر بقى صوت تكتكه كدة عالى شويه مقلقنى وياريت تقولى أسوقها عادى أوديها ولا الصوت دة غلط ممشيش عليه والمكان إذا أمكن وشكرا جدا

    Reply

    • Date: 19 مارس، 2016 at 02:07
      Author: Khaled Adel

      اعتذر بشدة عن التأخر فى الرد لعدم التواجد فى الفترة الماضية.
      لازم طبعا تكشف عليها لان واضح ان فى مشكلة فى التيل او الطنابير متهملهاش .
      دى الفرامل يعنى مش هزار
      تحياتى
      🙂

      Reply

  10. Date: 21 مايو، 2016 at 19:43
    Author: عصام محمد

    سيارتى رينو عندى عطل فرامل عندما ادوس فرامل اسمع صوت تفريغ هواء وموش تمسك كويس الا لما اضغط جامد

    Reply

    • Date: 23 مايو، 2016 at 08:26
      Author: Khaled Adel

      فى 3 إحتمالات:
      الاول : تيل الفرامل محتاج يتغير.
      التانى: فى هواء فى سيستم الفرامل.
      الاخير: ماستر الفرامل محتاج يتغير… ممكن تكشف على الاسباب دى بالترتيب واحد ورا التانى لحد ماتقف على السبب.
      ومتنساش ان زيت الفرامل نفسه بيحتاج يتغير كل فترة لانه بيفقد خواصه.

      Reply

      • Date: 26 سبتمبر، 2016 at 22:49
        Author: Paradise

        يعني ايه خلوص ده؟؟؟

        Reply

        • Date: 27 سبتمبر، 2016 at 10:30
          Author: Khaled Adel

          خلوص يعنى مسافة بينية

          Reply

  11. Date: 28 يونيو، 2016 at 20:19
    Author: King maxima

    السلام عليكم اخي الكريم عندي نيسان مكسيما ٩٨ غيرت كليبر خلفية ايمن(باكم) وبعد ما غيرته شغلت السيارة ومشيت تمام لكن بعد فترة (نص ساعه ) لمن تكون السيارة حارة تقريبا دعسة الفرامل عندي تبدا تقسى.. وأحس انه الفرامل ماسكه الكفرات يعني بالقوة ابدا امشي السيارة وكل ما امشي احس الفرامل تبى تقسى المهم بعد ما ريحت السيارة ربع ساعه تقريبا اشغل وادعس الفرامل ألاقي السيارة رجعت سليمه زيما كانت ايش المشكله اخي والله !!

    Reply

    • Date: 29 يونيو، 2016 at 15:00
      Author: Khaled Adel

      وعليكم السلام ورحمة الله وبركاته
      الفرامل عندك قفشة.. وبالتأكيد الطنابير بتسخن بشدة… اذهب الى مختص فرامل لعمل ريجلاش لها.

      Reply

  12. Date: 29 يونيو، 2016 at 17:16
    Author: Ahmed

    السلامه عليكم محتاج مساعدة
    عندى ريو ٢٠١٣ فى مسكله فى الفرامل بحتاج اضغط بشدة على الفرامل عشان اخفف السرعه او اوقف العربيه
    غيرت القماشات او الفحمات بس مش عارف ايه السبب ، الزيت كاشف عليه اتقلى مش ناقص ولاحاجه ممكن اعرف السبب والحل ايه

    Reply

    • Date: 29 يونيو، 2016 at 19:09
      Author: Khaled Adel

      وعليكم السلام ورحمة الله وبركاته
      دى مشكلة فى الماستر العمومى .. اكشف عليه، وواضح انه محتاج يتغير

      Reply

  13. Date: 7 يوليو، 2016 at 09:11
    Author: زياد

    السلام عليكم
    لو سمحت بسمع صوت تزييق عند رفع القدم من على دواسة الفرامل
    ووديت اعربية للوكالة واكتر من فني الي ده صوت عادي
    المشكلة ان الصوت يعتبر مزعج الي حد ما وااسيارة ما زالت جديدة
    ملحوظة.. الفرامل تعمل بشكل جيد.

    Reply

    • Date: 10 يوليو، 2016 at 10:29
      Author: Khaled Adel

      وعليكم السلام ورحمة الله وبركاته
      هذا الصوت من الكاوتش العازل اسفل الدواسة, يجب عليهم فحصه واستبداله ان كان تالف.

      Reply

  14. Date: 13 يوليو، 2016 at 16:45
    Author: rovan hossam

    لوسمحت عندي الفرامل خفيفة جدا محتاج اضغط عليها جامد علشان تهدي مع انى بكارك بتمسك كويس وغيرت ماستر عمومي وتيل ونفس المشكلة

    Reply

    • Date: 13 يوليو، 2016 at 23:52
      Author: Khaled Adel

      كده انت محتاج تراجع الماستر الخاص بكل عجلة وايضا تاكد من عدم وجود هواء بدايرة الفرامل.

      Reply

  15. Date: 15 يوليو، 2016 at 03:17
    Author: Ayman

    انا لسه شارى سيراتو 2017 معملتش 200 كم فى بداية تحرك العربية وهى بارده بتككون الفرامل كويسة وبعد شويه بتضعف لدرجة انى لما بدوس على الفرامل بحس بال abs لكن الفرانل مابتمسكش ياريت حضرتك تفيدنى بالحب لانى سمعت الشكوى دى من اكتر من واحد عنده سيراتو

    Reply

    • Date: 15 يوليو، 2016 at 10:42
      Author: Khaled Adel

      أولا مبروك على السيارة وربنا يرزقك خيرها ويكفيك شرها.
      ثانيا الاعراض دى بتاعة ماستر عمومى وبما ان السيارة جديدة وحضرتك بتقول انها مكررة مع ملاك اخرين فتقريبا ده بسبب وجود هواء فى دايرة الفرامل روح لأى ميكانيكى يسحبلك هواء من الفرامل مش شرط التوكيل على فكرةالعملية مش بتاخد اكثر من 5 دقايق… اذا كان لديك وقت ممكن تروح التوكيل وتطلب سحب الهواء من الفرامل.
      بالتوفيق

      Reply

      • Date: 16 يوليو، 2016 at 20:28
        Author: Ayman

        شاكر جدا لذوقك وعلى الاجابه وحروح اشوف الموصوع ده ان شاء الله

        Reply

  16. Date: 20 يوليو، 2016 at 23:45
    Author: أيهم

    السلام عليكم
    عندي سيارة Kia morning 2008 مع نظام ABS بعد تشغيل السيارة و السير فيها تتحجر الفرامل بشكل انك ما ان تضع رجلك على الفرامل تقف السيارة
    و تشعر بان السيارة فيه شيء ماسكها و العزم يخف
    قمت بتغيير مضخة الزيت الرئيسية و لم استفد
    ما المشكلة ؟؟
    شكرا

    Reply

    • Date: 20 يوليو، 2016 at 23:51
      Author: Khaled Adel

      وعليكم السلام ورحمة الله وبركاته
      المشكلة هنا فى سيرفو الفرامل… يرجى التحقق منه.
      شكرا

      Reply

  17. Date: 25 يوليو، 2016 at 19:02
    Author: ايهاب احمد

    عندي سيارة مرسيدس عيون موديل ٩٨ و المشكلة فيها ان بدال الفرامل واطي اوي . رحت للميكانيكي و قال لي ان الماستر العمومي و السرفو عايز يتغير غيرت السرفو و الماستر ٤ مرات و العيب زي ما هو علما ان أنا اشتريتهم استيراد أرجو الإفادة وعلى فكرة أنا رحت التوكيل و قالوا لي غير الماستر العمومي

    Reply

    • Date: 26 يوليو، 2016 at 10:34
      Author: Khaled Adel

      هى فعلا المشكلة دى عادة بتبقى الماستر او السيرفو بس ممكن تبص على الماستر الفرعى لكل عجلة وكمان هل زيت الفرامل بينقص معاك ولا لا؟؟

      Reply

      • Date: 26 يوليو، 2016 at 14:24
        Author: Ehab

        زيت الفرامل ثابت على نفس المستوى و مش بينقص نهائياً بس بدال الفرامل واطي أوي وكمان مشوار الدواسة طويل

        Reply

        • Date: 30 يوليو، 2016 at 03:16
          Author: Khaled Adel

          طب معلش اخبار التيل والطنابير ايه, لو متاكلين بيسببه الاعراض دى

          Reply

      • Date: 30 يوليو، 2016 at 13:46
        Author: Ehab

        ركبت طقم تيل امامي و خلفي جديد و طقم طنابير امامي و خلفي جديد و كمان ماستر عمومي جديد زيرو اصلي و العيب زي ماهو !!!! هل جهاز ال ABS ممكن يعمل العيب ده او المساتر الفرعيه علما بان المساتر الفرعيه ناشفه خالص مفيش عليها تسريب زيت أرجو الإفادة و أسف للإزعاج وكمان انت عندي عربيه تانيه و الفرامل بتاعتها كويسه و حلوة جدا و البدال عالي و كمان لما بتدوس عليه ثابت و ما بيجريش تحت في الدواسه

        Reply

        • Date: 4 أغسطس، 2016 at 12:20
          Author: Khaled Adel

          ال ABS هو اللى بيتحكم فى المساتر الفرعية لانه هم اللى بيحدد قوة مسك التيل على الطنابير عن طريق نظام اليكترونى وبالتالى ممكن يكون له تأثير بس مش لدرجة انه يخلى الدواسة تهرب لتحت اوى كده.
          أحتمال كبير يكون عندك هواء فى دايرة الفرامل روح لميكانيكى محترم وخليه يسحبلك هواء من الفرامل وزود زيت فرامل تانى وشوف, وعرفنى ايه الاخبار.
          بالتوفيق

          Reply

  18. Date: 28 يوليو، 2016 at 15:17
    Author: Murad Farah

    اخ خالد اشكرك على مجهودك
    يوجد لدي صوت بالفرامل اتمنى الاقي الحل عندك
    عند رفع القدم عن الدواسه اسمع صوت مثل التصفير ، ظهر الصوت بعد ما مسكت بريك قوي واشتغل نظام ABS ومن بعدها والصوت مستمر
    شو الحل ؟
    ملاحظه الصوت لا يظهر في الصباح بعد توقف السياره لمده ٨-٩ ساعات ، ولكن بعد قيادتها ربع ساعه تقريبا يبدأ الصوت.

    Reply

    • Date: 30 يوليو، 2016 at 03:17
      Author: Khaled Adel

      اشكرك اخى
      انت بحاجة لعمل ريجلاش للفرامل حيث يبدو ان التيل يحتك بالطنابير مسببا هذا التصفير

      Reply

      • Date: 30 يوليو، 2016 at 14:15
        Author: Murad Farah

        اخ خالد اشكر سرعه تجاوبك
        ولكن بعض الكلمات غير واضحهمثل ريجلاش ،التيل، الطنابير
        على العموم بعد ظهور الصوت قمت بتغيير زيت البريك كاملا ولا يوجد اي تغيير.

        Reply

      • Date: 30 يوليو، 2016 at 14:40
        Author: Murad Farah

        استاذ خالد بحثت بالنت وعرفت معني المصطلحات اللي تفضلت فيها.
        الصوت ليس صوت احتكاك التيل بالطنابير.
        هو صوت مثل واحد بيصفر خفيف او مثل فراغ هواء.
        عملت قبل هيك ريجلاش للفرامل كان الهاند بريك يرتفع كثير لحتى تتوقف السياره ، بعد الريجلاش صار يرتفع بس طقتين او ثلاث ، طبعا بالنسبه للصوت قبل الريجلاش كانت التصفيره واضحه وطويله ،الان صارت قصيره.
        اتمنى الصوره تكون وضحت
        تحياتي وشكري لك

        Reply

  19. Date: 29 يوليو، 2016 at 18:31

    بسمع صوت تزييق جامد جداً مع التهدئه بالفرامل علماً بان العفشه ممتازه مافيهاش حاجه خالص اوبترا اتوماتيك ٢٠٠٩ والصوت ده مضيقني جداً هل جهاز الفرامل ممكن يعمل كده والفرامل كويسه وتمام ومافيش اي سخونيه

    Reply

    • Date: 30 يوليو، 2016 at 03:19
      Author: Khaled Adel

      برجاء التوضيح اذا كان الصوت يظهر على البطىء مع الضغط على الفرامل ام بدون, واذا كان بدون هل يذهب عند الضغط على الفرامل برفق؟؟

      Reply

  20. Date: 4 أغسطس، 2016 at 19:36
    Author: محمد فيصل

    لو سمحت اخي العزيز عندي رينو لوجان لما ادغط علي الفرامل و العربيه ماشية سرعة العربية تقل و الاقي rpm بيزيد و صوت الماتور بيعلي… ايه المشكله

    Reply

    • Date: 5 أغسطس، 2016 at 19:17
      Author: Khaled Adel

      العربية مانيوال ولا اوتوماتيك؟

      Reply

  21. Date: 7 أغسطس، 2016 at 22:26

    لو سمحت معى سيارة كروز اتوماتيك 2016 لسة زيرو ماشية 4000 كيلو فقط منذ استلامها من الوكالة ولا يوجد بها فرامل ضعيفة جدا
    ذهبت لعمل صيانة 1000 كيلو وبلغت بمشكلة فرامل قاقولى الفرامل واخدة هواء وسحبنا الهواء من 4 عجلات دواسة الفرامل ارتفعت شوية وبعد ذلك ضعفت الفرامل والداواسة تتزل للاخر وذهبت الى متخصص للفرامل قالى وجد ان 4 عجلات واخدين هواء وقالى ان دة عيب ماستر وجلد ماستر بايظ رجعت للتوكيل وتخانقت معهم وبعد حوار طويل قالولى ان سرفو وماستر هيتم تغييرهم
    بالفعل تم تغييرهم والان الفرامل اسوء من الاول وعندما اثبت رجلى على دواسة الفرامل لحظة الدواسة تنزل لتحت لحد الاخر ذهبت الى مركز الفرامل المتخصص مرة اخرة قال لى جلد الماستر بايظ لازم يتغير بالفعل خليتة يغيرة لان توكيل سئ جدا ويومهم بسنة الان دواسة الفرامل ما بقتش بتنزل لتحت زى الاول لما تثبت رجلك عليها ولكن فرامل العربية ضعيفة والداواسة واطية جدا وتمسك فرامل من بعد نص الدواسة
    انا تعبت ومش عارف اعمل اية ممكن تفيدنى

    Reply

    • Date: 16 أغسطس، 2016 at 15:17
      Author: Khaled Adel

      برجاء التأكد من عدم وجود تسريب فى سائل الفرامل بالاضافة الى مطابقته للمواصفات وعدم وجود اى شوائب او مياه به.
      وايضا التأكد من ان الماستر نفسه تم تغييره.

      Reply

  22. Date: 8 أغسطس، 2016 at 06:55
    Author: نبيله

    السلام عليكم

    لو سمحت وانا سايقه العربيه بحس بهتزاز والسيارة كانها ماشيه والهاندبريك مرفوع تبقى مش عايزة تمشي وعلى سرعة 70 تقريبا اجي اهدي بالعربيه البريك بتاعها بيمسك جامد .

    Reply

    • Date: 16 أغسطس، 2016 at 15:07
      Author: Khaled Adel

      وعليكم السلام ورحمة الله وبركاته
      كده الفرامل عند حضرتك قفشة وهتلاقى الطنابير بتسخن جامد, حضرتك محتاجة اى ميكانيكى يرجلش الفرامل شوية

      Reply

  23. Date: 11 أغسطس، 2016 at 22:08
    Author: ايهاب احمد

    اخ خالد أشكرك على الرد و بالفعل أنا رحت للميكانيكي تاني و خليته اخد هواء الفرامل و غيرت زيت الفرامل لكن المشكلة كما هي بس في عندي ملحوظة وهي ان أنا لما بامشي بالعربية داخل المدينة بيبقى البدال حاضر و تمام لكن لما العربية بتاخد سرعه على الطريق و أدوس فرامل ألاقي البدال بيجري تحت رجلي وهي في النهايه بتمسك فرامل لكن بيكون البدال وصل للدواسة …!!!!

    Reply

    • Date: 16 أغسطس، 2016 at 15:05
      Author: Khaled Adel

      الاعراض دى ماستر فرامل, لكن انت بتقول انها متغيرة, يبقى ندخل فى تفاصيل اكثر عمقا:
      1- عدم تطابق سائل الفرامل (نقطة غليان منخفضة).
      2- مشكلة في رمان بلي العجل أو أجزاء التعليق الأمامي.
      3- ضبط غير دقيق لذراع دفع الاسطوانة أو المؤازر.
      انت كدة مختاج فحص دقيق لنظام الفرامل

      Reply

  24. Date: 24 أغسطس، 2016 at 00:14
    Author: Hala

    لو سمحت انا عندي عربية فيات اول مرة انزل اسوقها رجعت بالعربية للخلف ونسيت فرامل اليد مرفوعة وبعد كده بنزل الفرامل مش راضية تنزل خالص اعمل ايه بعد اذنك

    Reply

    • Date: 29 أغسطس، 2016 at 20:06
      Author: Khaled Adel

      اعتذر عن الرد المتاخر
      هى هتنزل لكن محتاجة بقوة نوعا ما لان واضح انها اتشدت جامد

      Reply

  25. Date: 3 سبتمبر، 2016 at 17:18
    Author: Abdo khanisa

    سؤال يا جماعه لاهل الخبره عموما…انا معايا بيجو 406 غيرت طنابير من فتره عشان الميكانيكي يفك القديمه فور مسمارين الغفير اللي في كل طنبوره وركب الجداد وقالي عادي ممكن تمشي من غير المسمارين دول…..امبارح كت ماشي علي 140 او 150 جيت ادوس فرامل لقيت الدواسه والطاره بيتهزو مع العلم اني جايب تيل فرامل رخيص ب90 جني ومرصرص العجل….ياتري الهزه دي من التيل ولا من مسمار الغفير بتاع الطنابير……

    شكرا

    Reply

    • Date: 5 سبتمبر، 2016 at 11:10
      Author: Khaled Adel

      هو خطر انك تمشى بمسامير ناقصة, لكن غالبا الهزة الجامدة دى ناتجة من تاكل فى الطنبورة وبرضه خامة التيل بتفرق, غير التيل واعمل مسحة للطنابير عند خراط

      Reply

  26. Date: 11 سبتمبر، 2016 at 19:33
    Author: mnagy

    انا معايا فيرنا ٢٠٠٧ …الفرامل عندي فجاءه بقت لازم ادوس للاخر خالص عشان العربيه تقف. ايه ممكن تكون المشكله ؟

    Reply

    • Date: 13 سبتمبر، 2016 at 14:52
      Author: Khaled Adel

      طنابر وتيل تالفين, او ماستر عمومى

      Reply

  27. Date: 22 سبتمبر، 2016 at 15:21
    Author: نبيله

    السلام عليكم ورحمة الله وبركاته

    انا عندي عربيه هوندا سيفيك 2008 بحس وانا ماشيه بالعربيه بتخبيط جامد من تحن العربيه وبحس وكان العجلات بتعت العربيه وكانك بتسحبها سحب مش بدور كان في حاجة مسكا العجلات بتعتها ولما بدوس فرامل واجي امشي تاني بتمسك وتبقى مش عايزة تمشي . وبحس طول الوقت وكاني ماشيه على طريق فيه حجارة

    Reply

    • Date: 27 سبتمبر، 2016 at 10:23
      Author: Khaled Adel

      وعليكم السلام ورحمة الله وبركاته
      اولا محتاج حضرتك تأكديلى هل الجنوط بتسخن ولا لأ, وامتى اخر مرة غيرتى تيل الفرامل والعيب ده ظهر معاكى امتى؟

      Reply

  28. Date: 8 أكتوبر، 2016 at 08:51
    Author: نبيله

    السلام عليكم ورحمة الله وبركاته

    العيب ده ظهر عندي من حوالي ثلاثة شهور ورحت عند الميكانيكي وغيرلي بربيش بتاع السرفو وتيل الفرامل وده من شهر تقريبا والاسبوع الى فات رجعت عند ميكانيكي وقلي ان العجلات افشه من الكليبر وغيرت الكليبر بس الفرامل لسه فيها مشكله الدواسه ساعات بتبقى كويسه وسات بتجمد وشيك على السرفو بتاع الفرامل واقلي انه ما فهش مشكله وفي صوت طقطقه لما بدوس فرمل انا حا تجنن خلاص مش عارفه اعمل ايه .

    Reply

    • Date: 9 أكتوبر، 2016 at 12:05
      Author: Khaled Adel

      وعليكم السلام ورحمة الله وبركاته
      حضرتك لاوم تروحى لمختص وفاهم لانه واضح ان الميكانيكى ده بيجرب.
      أولا: لازم نسيك على الماستر العمومى والسيرفو والمساتر الفرعية لكل عجلة.
      ثانيا: فحص تيل الفرامل لان الطقطقة دى اختمال كبير تكون منه بسبب كسر فيه.
      ثالثا: تغيير زيت الفرامل بالنوع المخصص للسيارة.
      رابعا: سحب الهواء من دايرة الفرامل.
      واخيرا حضرتك ممكن تقوليلى منطقتك ايه واوجهك لافضل واقرب ميكانيكى ليكى.
      بالتوفيق

      Reply

  29. Date: 10 أكتوبر، 2016 at 09:34
    Author: نبيله

    انا بشكرك جدا جدا غلبتك معا انا رح اعمل كل الي قولتلي عليه انا من الاردن وللاسف احنا ما عندناش حد متخصص للفرامل وانا رحت عند 4 ميكانيكيه ومحد ش عارف يحدد المشكله بتعت العربيه وانا بشكرك تاني وحبقى اقولك ايه حصل معايا لما اعرف المشكله من ايه بضبط .

    Reply

    • Date: 11 أكتوبر، 2016 at 07:30
      Author: Khaled Adel

      العفو انا بالخدمة وبالتوفيق ان شاء الله
      وابقى طمنينا

      Reply

    • Date: 27 نوفمبر، 2016 at 12:02
      Author: مؤمن

      انا معاايا اوبل فيكترا 1998-الفرامل عندى فيها مشكله غريبه ان بدات لما ادوس فرامل الاقى عجله واحده بس هى اللى بتضرب والتانيه لا وكنت بتاكد من كده بانى بلاقى العجله اللى بتضرب هى اللى الطنبوره بتاعتها هى اللى بتسخن واللى مش بتضرب بتبقى الطنبورة بتاعتها تاج – رحت للميكانيكى قالى الللف اللى عند الماستر مش موجود جبت واحد وغيرلى الزيت بتاع الفرامل بنوع المانى وخدلى هواء.اشتغل العربيه شويه كويس وبعد كده رجعت تانى وخبطت فى عربيه ادامى امبارح—-انا احترت ومش عارف العيب فين….وشكرا لتعب حضرتك

      Reply

      • Date: 27 نوفمبر، 2016 at 12:30
        Author: Khaled Adel

        تم الرد

        Reply

  30. Date: 19 أكتوبر، 2016 at 17:18
    Author: محمد بدران

    مساء الخير اخي الكريم وانا ماشي بالعربية بسمع صوت صفارة في العجلة اليمين من جنب السواق وحاسس ان العربية مخنوقة ولسة مغير زيت باكم ودواسة الفرامل لازم اضغط عليها جامد علشان تفرمل ومكنتشي كده واروح احسس علي الفرد الاقيها مولعة نار وبالذات اللي فيها الصوت

    Reply

    • Date: 20 أكتوبر، 2016 at 08:58
      Author: Khaled Adel

      اذا كانت الدواسة بتنزل معاك للاخر فده غالبا الماستر فيه مشكلة, ثانيا سبب ارتفاع حرارة الجنوط هى ان غالبا التيل قافش ومحتاج ريجلاش.

      Reply

  31. Date: 20 أكتوبر، 2016 at 07:50
    Author: طلعت فياض

    السلام عليكم دواسة الفرامل اثناء الدعس تصل الى قاع السيارة مالسبب مع العام ان المضخة جديدة والكوليات جديدة من بعد اذنك مالحل

    Reply

    • Date: 20 أكتوبر، 2016 at 08:54
      Author: Khaled Adel

      وعليكم السلام ورحمة الله وبركاته
      هذا بسبب الماستر الرئيسى للفرامل, غالبا بحاجة للتغيير

      Reply

  32. Date: 24 أكتوبر، 2016 at 03:30
    Author: إسلام بكر

    لو سمحت العجله الشمال عندي قافشه وبطلع ريحه شياط والجنط بسخن جدا غيرت الزيت الباكم وخدت هوا ونضف الخراطيم والموضوع هوا هوا الميكانيكي قالي ده ماستر عمومي ارجو الافاده

    Reply

    • Date: 24 أكتوبر، 2016 at 12:40
      Author: Khaled Adel

      جرب تعمل ريجلاش للتيل وشيك على الماستر الفرعى الخاص بالعحلة دى , ممكن يكون معلق ومش بيفتح بالكامل.

      Reply

  33. Date: 25 أكتوبر، 2016 at 06:19
    Author: امة الله

    السلام عليكم
    من فضلك وأنا بادور العبية الصبح كان فيها رجة جامدة وبعدين فرامل اليد ما نزلتش معايا وكان في عادم اسود وبالتالي ما قدرتش اطلع بيها
    العربية تويوتا الملكة
    ارجو الافادة لاني جديدة في قصة العربيات والقيادة

    Reply

    • Date: 26 أكتوبر، 2016 at 09:01
      Author: Khaled Adel

      وعليكم السلام ورحمة الله وبركاته
      الرجة غالبا بسبب انك حاولتى تتحركى وفرامل اليد مرفوعة, وبالتالى الفرامل اتشدت جامد ومعرفتيش تنزليها, هى هتنزل بس محتاجة قوة شوية, وبعدين دورى تانى وشوفى الرجة لسة موجودة ولا لأ.
      العادم الاسود لو مش مستمر يبقى بس نوع الوقود مش حلو.

      Reply

  34. Date: 9 نوفمبر، 2016 at 15:04
    Author: hisham elsahar

    ارجو الافاده انا العربيه 132 ولما بشغلها الصبح بتاخد 5 او 6 مرات على ما بتشتغل وبعدين امشي بيها 15 او 20 كيلو تمام وكل ما اهدي اخد مطب تبقا تمام مفيش حاجه وبعد 20 ك دول تبدا كل ما امش على سرعه 100 واجي اهدي علشان مطب او حاجه تروح مبطله بتعمل الموضوع ده 4 مرات في اليوم او في المشوار لو 120 كيلو وادور وامشي عادي وسعات متشتغلش الا لما تبرد قولت يمكن الموبينه غيرت موبينه بردو مفيش فايده خليت الكهربائي بصلي على الكهرباء قالي كله تمام وللعلم انا فكيت الكربيراتير اكتر من مرة ونضفته وغيرت فلتر بنزين وغيرت زيت جديد كمان بس عندي السيرفو في مشكله عاوز طقيه واولسيه وبينفس ممكن تكون المشكله من هنا ولا ايه افيدونى ربنا يجزيكم خير واسف على الاطاله

    Reply

    • Date: 11 نوفمبر، 2016 at 15:37
      Author: Khaled Adel

      المشكلة مش هتخرج عن الكربراتير جرب تروح لحد وتجرب واحد تانى وشوف العطل هيفضل موجود ولا لأ

      Reply

  35. Date: 17 نوفمبر، 2016 at 11:20
    Author: نبيله

    السلام عليكم يا سيد خالد انا نبيله من الاردن انا لحد الحظه دي ما حدش عارف يحل مشكلة الفرامل انا غيرت كل حاجة في العربية ما فضلش غير موزع زيت الفرامل وبفكر اغيرة
    رحت عند واحد ورجلاش الفرامل الخلفيه علشان العربيه بتحدف لشمال لما اضغط فرامل قويه والي حصل اني عملت حدثه في العربيه لما ضغط الفرامل وكنت على سرعة العربيه حدفت شمال وخبط ونفجرت العجلة الشمال وربنا ستر اني ما تقلبتش بالعربيه ولما رجلش الفرامل الخلفيه عشان ما تحدفش العربيه رجلشها زيادة فضربت بليه العجل الخلفي . ولقيت ان العجلة الامامي الشمال بتوقف قبل اليمين عند الفرمله .غيرت زيت الفرامل ونسملي الهوى منها وبعد يمومين وجعتله تاني قلي ان في هوى كتير في الفرامل الامامي شمال طيب الهوى دة جاه منين انا خلاص مش عارفه اعمل ايه الحاجات الي تغيرت 1- تيل الفرامل 2 الكليبر 3 مضخة زيت الفرامل الرئيسيه 4- زيت الفرامل 3 مرات 5- سيرفو الفرامل وبربيش السيرفو 6- دسكات الفرامل .

    Reply

    • Date: 27 نوفمبر، 2016 at 12:44
      Author: Khaled Adel

      وعليكم السلام ورحمة الله وبركاته
      اولا حمدا لله على سلامتك وان شاء الله خير
      اولا:مشكلة الهواء غاليا بتيجى من عدم احكام الربط بعد سحب الهواء اذا لم يكن هناك نقص ملحوظ فى زيت الفرامل, اذا كان هناك نقص فغالبا هناك تسريب بالدائرة.
      ثانيا: عجلة بتمسك قبل عجلة فده بسبب تلف احد المساتر الفرعية والذى يكون على كل عجلة والذى من خلاله يتم الضغط على دسكات الفرامل برجاء فحصهم جميعا والتأكد من استجابتهم.
      وده برضه هيكون سبب ان العربية بتحدف منك اثناء الفرملة.
      ياريت حضرتك تراجعى الحاجات دى وتطمنينا

      Reply

  36. Date: 27 نوفمبر، 2016 at 12:19
    Author: مؤمن

    انا معايا اوبل فيكترا1998 عندى مشكله فى الفرامل من فتره لقيت ان الفرامل مش بتمسك العربيه واكتر من مره اخبط فى اللى قدامى ولو على سرعه بتحدف يمين وبيبقى مفهاش ثبات.المهم رحت للميكانيكى كشف على العربيه قالى ده هواء سحب هواء وبردوا لقيت نفس العيب-رحت لواحد تانى قالى عندك البلف اللى فى السلك اللى نازل من الماستر بتاع الزيت مش موجود جبنا واحد وركبناه وخدلى هواء وقالى عاوزين نغير الزيت وجبت نوع زيت المانى خاص للعربيه الاوبل المهم العربيه الفرامل عليت وبقى احسن من الاول كتير لكن شهر ورجع الموضوع تانى فى حين انى لاحظت ان الطنبوره بتاع الفرده اليمين بتبقى سخنه لما امشى والفرده الشمال بتبقى تاج—انا احتر ومش عارف اعمل ايه وبقيت بمشى وانا مش حاسس بامان.واسف على الاطاله ولكم جزيل الشكر

    Reply

    • Date: 27 نوفمبر، 2016 at 12:30
      Author: Khaled Adel

      يرجى مراجعة الماستر العمومى والمساتر الفرعية بالاضافة الى فحص الطنابير والتيل حيث ان تاكلهم يطيل مشوار الفرامل ويضعف اداؤها.
      لكن اولا افحص الماستر العمومى غالبا المشكلة منه

      Reply

  37. Date: 29 ديسمبر، 2016 at 10:22
    Author: Ahmed Shawky

    السلام عليكم عندى بروتون جين 2 موديل 2006 مشكلة بعض الاوقات سواء على سرعة متوسطة او عالية شوية باجى ادوس بقوة على الفرامل بلاقى الفرامل بترود تحت رجلى وتقاومنى وعازية ترجع تانى . ومش نشفة ولا محجرة لاء بتقاومنى وعايز ترود ومش عيزا تقف ومكملة والحمد لله ربنا بيستر, ارجو الافادة حد قالى سيرو بس الاعرفو السيرفو دة لو نشفة ومحجرة اكنى بكارك والعربية مطفية , وحد قالى بيضة فى العفشة ومش عارف برضو . غيرت زيت ونظفت كل المواسير لحد الزيت الجديد مظهر واربة الزيت نضفت وسحب هوا من الااربع عجلات ولازالت المشكلة

    Reply

    • Date: 12 يناير، 2017 at 21:50
      Author: Khaled Adel

      نعتذر عن التأخر فى الرد.
      اولا هل يوجد لديك ABS؟
      ثانيا: المشكلة غالبا من السيرفو او المساتر الفرعية، برجاء الفحص

      Reply

  38. Date: 9 يناير، 2017 at 07:43
    Author: احمد

    انا معايا 28 مو 85 فجأه لاقيت العربيه مش بتجيب ال20 فى المشى قولت الموتور فوت المهم الموضوع زاد لدرجه ان العربيه مبقيتش تتحرك من مكانها ووقفت معايا فى الشارع جيت ازقها لاقتها مش راضه تتتحرك من مكانها روحت جربت ارش الطنابير قدام لاقيتهم طلعوا دخانه جامده قالى الفرامل قافشه قدام جبت ميكانيكى قالى ده عيب ماستر وزيت وتيل قدام بس المشكله انى بدال الفرامل واطى ومش بتضرب الا لما ادوس كذا مره ولسه قافشه قدام بس مش زى الاول العربيه تقيله فى المشى وبالقى الطنابير خصوصا الشمال سخنه قوى روحت اكتر من 5 مرات ومش عارف ايه العيب ارجو الافاده لانى قررت ابيع العربيه لانى زهقت من الموضوع ده

    Reply

    • Date: 12 يناير، 2017 at 21:44
      Author: Khaled Adel

      كدة الماستر فى مشكلة

      Reply

  39. Date: 15 يناير، 2017 at 14:59
    Author: محمد جمال

    السلام عليكم اتمنى الرد . اخى الفاضل عند مسك الفرامل على سرعه اعلى من ٦٠ فجأه اسمع صوت تحت قدمى كرررر ولا تمسك الفرامل الى بعد مسافه كبيره وشيكت على abs لايوجد مشكله وخرطت الهوبات وغيرت فحمات ولا يوجد فائده ممكن الافاده

    Reply

Leave a Comment

Facebook Comments

من نحن؟

إيجى كار هو موقع السيارات المستعملة الأول عربيا والذى يتيح منصة سهلة ومريحة لبيع وشراء السيارات المستعملة والذى يوفر على الجميع عناء البحث بالإضافة الى سرعة البيع نظرا للقاعدة العريضة لزواره وإنتشاره على مستوى العالم العربى.

ساعات العمل

  • Monday  08:00 - 22:00
  • Tuesday  08:00 - 22:00
  • Wednesday  08:00 - 22:00
  • Thursday  08:00 - 22:00
  • Friday  13:30 - 22:00
  • Saturday  08:00 - 22:00
  • Sunday  08:00 - 22:00

جميع الحقوق محفوظة 2018، إيجى كار

Developed by ThemeMakers