Sign In

Login

Forgot your password?

Create Account

Register

  • إيجى كار يدعم الأن كل الدول العربية!
0

(A516)تقرير تفصيلى عن عيوب ومميزات اسبيرانزا

(A516)تقرير تفصيلى عن عيوب ومميزات اسبيرانزا

نتكلم هنا عيوب ومميزات السيارة اسبيرانزا من واقع تجارب ناس عديدةصورة للسيارة 

A516   اسبيرانزا

تعريف بالتوكيل

ابو الفتوح وهو من التوكيلات المحترمة اللى بأمانه فى تطوير مستمر

محرك السيارة اسبيرانزا

A516 موتور اسبيرانزا

هو من تصميم شركة نمساوية وتقفيل صينى ,سعة المحرك 1600 سى سى ونلاحظ فى المحرك بعض النقاط

ضعف السحب فى بداية التحرك من سرعة 0 الى 60 السحب يكون ضعيف جدا

ولكن من السرعة بعد 60 يكون السحب جيد جدا ولعلاج مشكلة ضعف السحب يفضل النقل على ار بى ام 3:4

استهلاك الوقود جيد جدا 7.5 لتر لكل 100 كيلو متر

الثبات

ثبات عالى جدا حتى 150 كيلو متر

الامان

ABS &EPDنظام فرامل متطور

نظام التعليق (العفشة) للسيارة اسبيرانزا

العفشة رياضية وان كان البعض يراها ناشفة ولكنها مفيدة جدا فى ثبات السيارة

صاج السيارة قوى جدا وتتحمل الخدمة الشاقة

تصميم السيارة

تتميز السيارة بمقدمة جميلة جدا ولكن يعيبها تصميم المؤخرة والذى لا يرضى الكثير من الناس ولكنها بالمجمل ذات تصميم جيد

التصميم الداخلى

A516 تابلوه اسبيرانزا

A516 الكنبة الخلفية فى اسبيرانزا

تحظى السيارة بصالون فخم جدا ومتسع جدا لا يوجد فى السيارات المنافسة

الصالون مريح جدا فى السفر

الكنبة الخلفية واسعة جدا والجلوس عليها مريح جدا

اماكن التخزين متعدده

النظام الصوتى جيد جدا والكاسيت يو اس بي

التكيف جيد وبشاشة لمس

الكماليات

ريموت بأنذار ,وحده رفع للزجاج ,تحكم فى فتح الشنطه عن بعد وهو مقتبس من ريموت سكودا

يمتاز الزجاج بخاصية الاوتو داون وهى عبارة عن نزول الزجاج بضغطة واحدة

قفل اوتوماتيك للأنوار بعد 10 دقائق من النزول

كمبيوتر رحلات

رؤيه واضحه للعدادات

معرفه الباب المفتوح او الشنطه لو مفتوحه من خلال شاشه ديجيتال رائعة

A516 الشاشة الديجيتال لاسبيرانزا

فتح الشنطه والتنك من الداخل

A516 شنطة اسبيرانزا 

About the Author

26 Comments

  1. Date: 19 مارس، 2014 at 04:29
    Author: هاني

    ما هيا نتائج العمره للموتور

    Reply

  2. Date: 22 أغسطس، 2016 at 09:55
    Author: كريم مجدي

    انا لسه شاري انفي 2017 بجد عربيه حلوه جدا وبجد العربيه دي هتبيع كتير قوي ثبات. صالون فخم. التكييف ده عايز كلام لوحده والله انا مقدرتش اشغله علي السرعه التانيه من شده البروده والله انا مش علشان اشتريتها لكن بجد عربيه مينفعش نقول انها صيني

    Reply

    • Date: 29 أغسطس، 2016 at 20:07
      Author: Khaled Adel

      ربنا يباركلك فيها ويكفيك شرها
      الف مبروك.
      :)|

      Reply

  3. Date: 16 أكتوبر، 2016 at 12:45
    Author: عماد

    اعضاء الجروب المحترمين
    عندى استفسار واحد صاحبى اشترا اسبرانزا ٢٠٠٨
    ب٤٥.٥ وحالتها ممتازه صرف عليها ٣٠٠٠ جنيه رش حزام نضافه وعمل سروجى بعدكده
    غير اكسدام ورفرفين بسبب خبطه مأسرتش على حاجه فى الشاسيه والعربيه حالتها ممتازه مكنه وعفشه
    الكلام ده ينزل من تمنها قد ايه ولا مينزلش بفكر اشتريها ومش عاوز اظلمه انا بركب العربيه اروح بيها مشاوير شايف انها لقطه

    Reply

    • Date: 16 أكتوبر، 2016 at 13:21
      Author: Khaled Adel

      اهلا بيك استاذ عماد
      هو الخبطة تنزل طبعا من سعرها لكن طالما هو صرف عليها دهان وسروجى وانت بتقول انه صاحبك فأكيد مش هيغشك ان شاء الله.
      السعر كده مناسب نظرا لارتفاع الاسعار الحالى والقادم لكن عليك ان تتاكد تماما من عدم تأثر شاسيه او من الخبطة, ايضا يرجى مراجعة زوايا العربية للتأكد من عدم تأثر العفشة.
      وبالتوفيق ان شاء الله
      🙂

      Reply

  4. Date: 17 أكتوبر، 2016 at 18:28
    Author: عماد

    شكرا استاذ خالد

    Reply

  5. Date: 11 نوفمبر، 2016 at 01:44
    Author: Ssss

    يعني ايه ثبات حتى 150 كيلو متر.. مش فاهم ممكن حد من اللي فاهم يوضحلي بعد اذنكم

    Reply

    • Date: 11 نوفمبر، 2016 at 15:26
      Author: Khaled Adel

      معناه ان العربية تبقى ثابتة لحد السرعة دى , بعدها بتبدأ العربية تخف على الطريق والسيطرة عليها بتبقى اصعب

      Reply

  6. Date: 17 نوفمبر، 2016 at 23:05
    Author: حسام

    فى مشكله لو السياره 516 مشت ببنزين 80

    Reply

    • Date: 27 نوفمبر، 2016 at 12:39
      Author: Khaled Adel

      كل السيارات الحديثة التى تعمل بنظام الحقن الاليكترونى لا يصح تشغيلها ببنزين 80 نظرا لكثرة الشوائب به والتى تؤدى الى سدد فى الرشاشات, بالاضافة الى انه منخفض الاوكتان وبالتالى معامل الانضغاط له قليل والذى يؤدى الى احتراقه قبل ان تكمل البساتم مشوارها مما يؤدى الى ظاهرة التصقيف.
      اذا اردت المحافظة على سيارتك بلاش بنزين 80.

      Reply

  7. Date: 18 نوفمبر، 2016 at 13:43
    Author: Ahmedelnkhalye

    عند النقل في الغيار الخامس وسرعة ٨٠ ينتر ولايستقر على النقلة والرجاء الرد بالتوضيح

    Reply

    • Date: 27 نوفمبر، 2016 at 12:36
      Author: Khaled Adel

      هذا العطل يحتاج للفحص المباشر لان المشكلة هنا تتعلق بالجيربوكس وغالبا هناك ترس بحاجة للتغيير

      Reply

  8. Date: 22 نوفمبر، 2016 at 10:50
    Author: ياسر

    كيفية إصلاح عطل الزجاج الخلفى الكهرباء بتفصل كل شوية أعمل إيه

    Reply

    • Date: 27 نوفمبر، 2016 at 12:32
      Author: Khaled Adel

      يجب التأكد اولا اذا كان العيب توصيل الكهرباء لماكينة الزجاج فقد يكون غير مثبت

      Reply

  9. Date: 8 ديسمبر، 2016 at 22:02
    Author: محمداحمد

    يا جماعه عندى مشكله فى سيارة اسبرانزا 516 a والسيارة ماشيه مسافه 10 دقيق يفصل معايا البنزين والسيارة تقف منى وهى دايرة عادى لازم افصل البطاريه لمدة 5 دقايق علشان تمشى معايا تانى وتقف تانى لو حد يعرف العيب دة يدلنى علشان محديش عارف العيب السيارة الكمبيوتر مش قاريها عند المكانيكى ودوسه البنزين جربت اغيرها العيب مش فيها

    Reply

    • Date: 12 يناير، 2017 at 22:01
      Author: Khaled Adel

      نعتذر عن التأخر فى الرد لعدم التواجد فى الفترة السابقة.
      برجاء التوضيح السيارة بتقف وهى دايرة تقصد ان السيارة بتبطل ولا دواسة البنزين لا تستجيب وهى دايرة؟

      Reply

  10. Date: 8 ديسمبر، 2016 at 22:20
    Author: محمداحمد

    شكرا على المعلومات

    Reply

    • Date: 12 يناير، 2017 at 21:59
      Author: Khaled Adel

      نعتذر عن التأخر فى الرد لعدم التواجد فى الفترة السابقة.
      العفو يافندم نحن فى الخدمة
      🙂

      Reply

  11. Date: 29 ديسمبر، 2016 at 14:06
    Author: محمد صلاح الدين

    أرجو الإفادة للأهميّة كنت عايز اشتري عربية اشغلها تاكسي يعني شغل فحت و قدامي m11 2010 / a516 2010 برضوا أيهما أفضل في الشغل من ناحية الأمان و الثبات و المتانة و مش مهم التصميم الخارجي و شكراً

    Reply

    • Date: 12 يناير، 2017 at 21:48
      Author: Khaled Adel

      نعتذر عن التأخر فى الرد، لكن a516 افضل

      Reply

  12. Date: 1 يناير، 2017 at 06:37
    Author: ام عمر

    برجاء الافاده ايهما افضل اسبرانزا a620 ام A516 ويكون سعرها فى حدود 75000 وحتبقى موديل سنه كام وايه عيوبهم.ونظرا ان واحده ست اللى حتسوقها فيفضل ان ميكونش مشاكلها كتير.واسفه على الاطاله

    Reply

    • Date: 12 يناير، 2017 at 21:54
      Author: Khaled Adel

      نعتذر عن التأخر فى الرد, تم الرد فى التعليق الاخر
      شكرا

      Reply

  13. Date: 2 يناير، 2017 at 01:08
    Author: ام عمر

    ايهما افضل a620 ام a516

    Reply

    • Date: 12 يناير، 2017 at 21:53
      Author: Khaled Adel

      a 516 متوفرة اكثر

      Reply

  14. Date: 16 يناير، 2017 at 15:43
    Author: Mohamed el kholy

    فى عربيه موديل 2010 a516
    عدادها 87000 رشه بره فقط
    وبها جميع كماليتها شغاله تمام وعامله 60 الف عشان احنا قرايب كده السعر تمام ولا ايه ؟
    ارجو الرد سريعا

    Reply

  15. Date: 20 يناير، 2017 at 23:42
    Author: Samer

    وظيفة الفيشة المتواجدة تحت الكرسى

    Reply

Leave a Comment

Facebook Comments

من نحن؟

إيجى كار هو موقع السيارات المستعملة الأول عربيا والذى يتيح منصة سهلة ومريحة لبيع وشراء السيارات المستعملة والذى يوفر على الجميع عناء البحث بالإضافة الى سرعة البيع نظرا للقاعدة العريضة لزواره وإنتشاره على مستوى العالم العربى.

ساعات العمل

  • Monday  08:00 - 22:00
  • Tuesday  08:00 - 22:00
  • Wednesday  08:00 - 22:00
  • Thursday  08:00 - 22:00
  • Friday  13:30 - 22:00
  • Saturday  08:00 - 22:00
  • Sunday  08:00 - 22:00

Copyright © 2015 - 2018. جميع الحقوق محفوظة 2018، إيجى كار

Developed by ThemeMakers