ارشادات هامة قبل عرض سيارتك المستعملة للبيع
عزيزى بائع السيارة علشان تبيع عربيتك المستعملة لازم تحط نفسك مكان اللى هيشترى عربيتك المستعملة بمعنى ان اللى بيدور على عربية مستعملة بيبقى من الاصل شاكك ان عربيتك المستعملة فيها حاجات بايظة علشان كدة انت عاوز تبيعها وكمان هو هيدفع دم قلبه فمش هيدفع قرش غير لما يتاكد انه مش هينضحك عليه
يبقى حضرت لازم تتبع الخطوات التالية
اولا: لازم تعرف ان سوق السيارات المستعملة بيتأثر جدا بالمواسم يعنى مثلا الاجازات الصيفية والاعياد ودخول المدارس ورمضان الاوقات دى سوق السيارات المستعملة بيبقى نايم جدا
ثانيا : لازم تسأل على سعر عربيتك المستعملة فى السوق كويس اوى يعنى خدلك لفة فى مواقع السيارات المستعملة واعرف متوسط السعر لعربيتك المستعملة
ثالثا : ابعد عن معارض السيارات المستعملة لان التاجر عاوز يكسب منك ومن المشترى
رابعا : عند الاعلان فى مواقع السيارات اوصف عربيتك بالتفصيل وجيب شوية صور ليها من برة ومن جوة علشان تشجع المشترى على الاتصال بيك وحط اكتر من وسيلة للاتصال بيك
خامسا: تحرى الصدق والامانة عند عرض عربيتك المستعملة
سادسا: قبل ماتعرض سيارتك المستعملة للبيع لازم تكون السيارة شغالة 100% يعنى الاشارات , الفوانيس , المساحات ,المارش , وخليك فاكر دايما ان الانطباعات الاولى تدوم
سابعا : تذكر قول رسولنا الكريم صلى الله عليه وسلم " من غشنا فليس منا" وكمان "رحم الله امرؤ سمحا اذا باع واذا اشترى واذا اقتضى" صدق رسول الله صلى الله عليه وسلم
واخيرا اقول للبايع ربنا يبارك لك وللمشترى ربنا يديك خيرها ويكفيك شرها
3 Comments
سياره للبيع فبريكا استعمال بنت تستخدمها شهر في السنه
انا تاني مالك منذ عام 2013
مرور النزهه
لمزيد من المعلومات و المعاينة باتفاق معي
احمد 01005178850
للبيع اسبرانزا 620 موديل 2007 ماشية 160 الف تم تغبير شورت بلوك بومة 2000 سي سي من اربع سنين ومثبت على الرخصه
السيارة فابريكة بالكامل ماعدا الجنب اليمين مرشوش نظافه بدون حوادث تك تغبير طنابير امامي وخلفي وتيل امامي وخلفي زعمل صيانه 150 الف تعيير بوجيهات وسيور و زيت الفتيس
العربية لا تحتاج مصاريف
السعر 83 الف
للبيع سياره مستعمله رينو ستب واي، حاله جيده جدا موديل 2016 عامله 20000 كم فقط لونها نبيتي استعمال ممتاز،، اوتوماتيك