(A516)تقرير تفصيلى عن عيوب ومميزات اسبيرانزا
نتكلم هنا عيوب ومميزات السيارة اسبيرانزا من واقع تجارب ناس عديدةصورة للسيارة
تعريف بالتوكيل
ابو الفتوح وهو من التوكيلات المحترمة اللى بأمانه فى تطوير مستمر
محرك السيارة اسبيرانزا
هو من تصميم شركة نمساوية وتقفيل صينى ,سعة المحرك 1600 سى سى ونلاحظ فى المحرك بعض النقاط
ضعف السحب فى بداية التحرك من سرعة 0 الى 60 السحب يكون ضعيف جدا
ولكن من السرعة بعد 60 يكون السحب جيد جدا ولعلاج مشكلة ضعف السحب يفضل النقل على ار بى ام 3:4
استهلاك الوقود جيد جدا 7.5 لتر لكل 100 كيلو متر
الثبات
ثبات عالى جدا حتى 150 كيلو متر
الامان
ABS &EPDنظام فرامل متطور
نظام التعليق (العفشة) للسيارة اسبيرانزا
العفشة رياضية وان كان البعض يراها ناشفة ولكنها مفيدة جدا فى ثبات السيارة
صاج السيارة قوى جدا وتتحمل الخدمة الشاقة
تصميم السيارة
تتميز السيارة بمقدمة جميلة جدا ولكن يعيبها تصميم المؤخرة والذى لا يرضى الكثير من الناس ولكنها بالمجمل ذات تصميم جيد
التصميم الداخلى
تحظى السيارة بصالون فخم جدا ومتسع جدا لا يوجد فى السيارات المنافسة
الصالون مريح جدا فى السفر
الكنبة الخلفية واسعة جدا والجلوس عليها مريح جدا
اماكن التخزين متعدده
النظام الصوتى جيد جدا والكاسيت يو اس بي
التكيف جيد وبشاشة لمس
الكماليات
ريموت بأنذار ,وحده رفع للزجاج ,تحكم فى فتح الشنطه عن بعد وهو مقتبس من ريموت سكودا
يمتاز الزجاج بخاصية الاوتو داون وهى عبارة عن نزول الزجاج بضغطة واحدة
قفل اوتوماتيك للأنوار بعد 10 دقائق من النزول
كمبيوتر رحلات
رؤيه واضحه للعدادات
معرفه الباب المفتوح او الشنطه لو مفتوحه من خلال شاشه ديجيتال رائعة
فتح الشنطه والتنك من الداخل
26 Comments
ما هيا نتائج العمره للموتور
انا لسه شاري انفي 2017 بجد عربيه حلوه جدا وبجد العربيه دي هتبيع كتير قوي ثبات. صالون فخم. التكييف ده عايز كلام لوحده والله انا مقدرتش اشغله علي السرعه التانيه من شده البروده والله انا مش علشان اشتريتها لكن بجد عربيه مينفعش نقول انها صيني
ربنا يباركلك فيها ويكفيك شرها
الف مبروك.
:)|
اعضاء الجروب المحترمين
عندى استفسار واحد صاحبى اشترا اسبرانزا ٢٠٠٨
ب٤٥.٥ وحالتها ممتازه صرف عليها ٣٠٠٠ جنيه رش حزام نضافه وعمل سروجى بعدكده
غير اكسدام ورفرفين بسبب خبطه مأسرتش على حاجه فى الشاسيه والعربيه حالتها ممتازه مكنه وعفشه
الكلام ده ينزل من تمنها قد ايه ولا مينزلش بفكر اشتريها ومش عاوز اظلمه انا بركب العربيه اروح بيها مشاوير شايف انها لقطه
اهلا بيك استاذ عماد
هو الخبطة تنزل طبعا من سعرها لكن طالما هو صرف عليها دهان وسروجى وانت بتقول انه صاحبك فأكيد مش هيغشك ان شاء الله.
السعر كده مناسب نظرا لارتفاع الاسعار الحالى والقادم لكن عليك ان تتاكد تماما من عدم تأثر شاسيه او من الخبطة, ايضا يرجى مراجعة زوايا العربية للتأكد من عدم تأثر العفشة.
وبالتوفيق ان شاء الله
🙂
شكرا استاذ خالد
يعني ايه ثبات حتى 150 كيلو متر.. مش فاهم ممكن حد من اللي فاهم يوضحلي بعد اذنكم
معناه ان العربية تبقى ثابتة لحد السرعة دى , بعدها بتبدأ العربية تخف على الطريق والسيطرة عليها بتبقى اصعب
فى مشكله لو السياره 516 مشت ببنزين 80
كل السيارات الحديثة التى تعمل بنظام الحقن الاليكترونى لا يصح تشغيلها ببنزين 80 نظرا لكثرة الشوائب به والتى تؤدى الى سدد فى الرشاشات, بالاضافة الى انه منخفض الاوكتان وبالتالى معامل الانضغاط له قليل والذى يؤدى الى احتراقه قبل ان تكمل البساتم مشوارها مما يؤدى الى ظاهرة التصقيف.
اذا اردت المحافظة على سيارتك بلاش بنزين 80.
عند النقل في الغيار الخامس وسرعة ٨٠ ينتر ولايستقر على النقلة والرجاء الرد بالتوضيح
هذا العطل يحتاج للفحص المباشر لان المشكلة هنا تتعلق بالجيربوكس وغالبا هناك ترس بحاجة للتغيير
كيفية إصلاح عطل الزجاج الخلفى الكهرباء بتفصل كل شوية أعمل إيه
يجب التأكد اولا اذا كان العيب توصيل الكهرباء لماكينة الزجاج فقد يكون غير مثبت
يا جماعه عندى مشكله فى سيارة اسبرانزا 516 a والسيارة ماشيه مسافه 10 دقيق يفصل معايا البنزين والسيارة تقف منى وهى دايرة عادى لازم افصل البطاريه لمدة 5 دقايق علشان تمشى معايا تانى وتقف تانى لو حد يعرف العيب دة يدلنى علشان محديش عارف العيب السيارة الكمبيوتر مش قاريها عند المكانيكى ودوسه البنزين جربت اغيرها العيب مش فيها
نعتذر عن التأخر فى الرد لعدم التواجد فى الفترة السابقة.
برجاء التوضيح السيارة بتقف وهى دايرة تقصد ان السيارة بتبطل ولا دواسة البنزين لا تستجيب وهى دايرة؟
شكرا على المعلومات
نعتذر عن التأخر فى الرد لعدم التواجد فى الفترة السابقة.
العفو يافندم نحن فى الخدمة
🙂
أرجو الإفادة للأهميّة كنت عايز اشتري عربية اشغلها تاكسي يعني شغل فحت و قدامي m11 2010 / a516 2010 برضوا أيهما أفضل في الشغل من ناحية الأمان و الثبات و المتانة و مش مهم التصميم الخارجي و شكراً
نعتذر عن التأخر فى الرد، لكن a516 افضل
برجاء الافاده ايهما افضل اسبرانزا a620 ام A516 ويكون سعرها فى حدود 75000 وحتبقى موديل سنه كام وايه عيوبهم.ونظرا ان واحده ست اللى حتسوقها فيفضل ان ميكونش مشاكلها كتير.واسفه على الاطاله
نعتذر عن التأخر فى الرد, تم الرد فى التعليق الاخر
شكرا
ايهما افضل a620 ام a516
a 516 متوفرة اكثر
فى عربيه موديل 2010 a516
عدادها 87000 رشه بره فقط
وبها جميع كماليتها شغاله تمام وعامله 60 الف عشان احنا قرايب كده السعر تمام ولا ايه ؟
ارجو الرد سريعا
وظيفة الفيشة المتواجدة تحت الكرسى